Umugani wa Bakame n’icyiyone

Bakame n'icyiyone. @Icapiro ry'amashuri-Kigali 2004 na Rwiyemeza.

Amapfa yarateye Bakame irasonza; Maze yibuka ibyo gusuhuka. Iti ” mu Kinyaga mpafite mabukwe Nahakwereye inka zanjye umunani”.

Bakame iragenda, ibonye inaniwe, Ijya mu gicucu munsi y’inturusu, Irora hejuru ibona icyiyone Gitamiye umunopfu w’umutali.

Nkunda agatukura Bakame ikarusha! Iti « henga nihendere ubwenge Cyiyone. Amashyo Cyiyone, urakoma neza!

Noneho si ubwiza urasa na bike!»

Bakame ivuze ityo, ikindi cy’igipfu kiti « uburanga mbuhwanya n’ihoho.»

Gihera ubwo ngubwo cyasamura ikinwa, Umutali uragwa, Bakame irawusama.

Bakame iti « Cyiyone wimena umutwe Gapfe utambyiniye wa gisambo we!» Icyiyone kiti « umpenze irya none!»

Gisigara cyimyiza imoso.

Inkomoko: Ikigo cy’igihugu gishinzwe integanyanyigisho,Gusoma umwaka wa 5, Icapiro ry’amashuri-Kigali 2004,PP.16-17. Na (Rwiyemeza) Igitabo wagisanga muri Librairie Caritas-Kigali n’ahandi hagurishirizwa ibitabo mu Rwanda.

Sangiza abandi iyi nkuru

Leave a Reply

Your email address will not be published.

Solve : *
3 × 18 =